ކުރިއަށް އޮތް ދިރާސީ އަހަރު ފެށޭއިރު ރާއްޖޭގެ ވަރަށް ގިނަ ސްކޫލްތަކެއްގެ ކަންތައްތައް ހުރީ ވަރަށް ރަނގަޅަށް ރޭވި، އިންތިޒާމްވެފައި ކަމަށް ރައީސުލްޖުމްހޫރިއްޔާ މުހައްމަދު ނަޝީދު ވިދާޅުވެއްޖެ އެވެ.
އާދަވެގެން ކޮންމެ ހުކުރު ދުވަހަކު ދެއްވާ ރޭޑިއޯ ޚިތާބުގައި މިއަދު ވާހަކަފުޅު ދައްކަވަމުން ރައީސް ނަޝީދު ވިދާޅުވީ، ސްކޫލްތައް ހުޅުވުމުގެ ތައްޔާރީތައް ސަރުކާރުން ވަރަށް ބާރަށް ކުރިއަށް އެބަގެންދާ ކަމަށާއި އެމަނިކުފާނު ރަށްރަށަށް ކުރައްވާ ދަތުރުފުޅުތަކުގައި މަދަރުސާތަކަށް ވަޑައިގެން ކަންކަން ރޭވިފައި ހުރި ގޮތް ބައްލަވަމުން ގެންދަވާ ކަމަށެވެ. އަދި އެމަނިކުފާނަށް ފެނިވަޑައިގަންނަވާ ގޮތުގައި ގިނަ ސްކޫލްތަކެއްގެ ކަންތައްތައް ހުރީ ވަރަށް ރަނގަޅަށް ރޭވި، އިންތިޒާމްވެފައި ކަމަށް ވެސް ވިދާޅުވި އެވެ.
"އެހެން ނަމަވެސް، އަލަށް ފަށާ، އާ އަހަރު ފަށާއިރުގައި، ބައެއް ބާވަތުގެ ދަތިތައް ހަމަކަށަވަރުންވެސް ކުރިމަތިނުވެއެއް ނުދާނެ. އަޅުގަނޑުގެ އުންމީދަކީ، މި އާ އަހަރު ހުރިހާ ދަރިވަރުންވެސް، އަދި ހުރިހާ މައިންބަފައިން ދަރިވަރުންނަށް އެހީތެރިވެދީގެން، ދަރިވަރުންނަށް މިދިޔަ އަހަރު ހޯދުނު ނަތީޖާއަށްވުރެ އަދި ވަކިން ރަނގަޅު ނަތީޖާއެއް މިއަހަރު ލިބުން." އަންނަ އާދިއްތަ ދުވަހު ފެށޭ މިއަހަރުގެ ދިރާސީ އަހަރާ ގުޅޭ ގޮތުން ރައީސް ވިދާޅުވި އެވެ.
0 comments:
Post a Comment
މިލިޔުމަށް ކޮމެންޓްކުރެއްވުމަށް ތިރީގައިވަ ގޮޅީގައި ލިޔުއްވާ